AF268: 67r

ẓuhūra gelmedin bu muḫliṣ‑i bī‑istiqbālleri [?] ser‑rişte‑i muḫāliṣīni ḥıfẓ içün Velī Beg ki muʿammed [?] adamlarumuzdandur āsitāne‑i // seʿādetlerine götürdük birāderüm İsmaʿīl ki sū‑yi aʿmālinden baʿżı nesne vāqiʿ olmış idi anuñ mizācınuñ // iʿtidāli olmamaġın televvün‑i imtizācından nāşī olduġı kāffe‑i ʿālemiyāne vāżiʿ olmışdur eger anuñ // feḥvā‑yi ḥāl‑i bed‑fiʿālinden [...] olan pür‑iḫtilāli sebebiyle żamīr‑i münīrlerine [...] ʿahd u tūr ẓuhūr ėderse wa‑lā‑taziru // wāziratun wizra uḫrā mūcibince anuñ nā‑mülāyim efʿāli sebebi ile ki erbāb‑i ʿaqīl ü temīze müvāfıq degüldür // ġayrileri anuñ içün aḫẕ buyurmayalar bu daḫı ḫāṭır‑i ʿāṭır‑i şehen‑şāh [...] mekāna vāżiʿ‑i dergeh [?] anuñ bu maqūle efʿāl‑i // şetīmesi ẓuhūr ėdüb qarındaşlarş ve [...] ve bu muḫliṣleri oġulları qatl eyledi Allāh el‑ḥamd [?] ki az zemānda // [...] ḥaqīqī anuñ binā‑yi ḥayātın qahr‑i qahramān‑i ecel birle maqhūr eyledi bu mürāseleʾi irsāl ėtmekden ol ʿālī // ḥażretden tevaqquʿ bu idi‑ki cevāb‑i ṣavāb ile iltifāt buyurılub teveccüh‑i hümāyūnları ıṣlāḥ‑i ẕātü l‑beyne // maʿrūf olub silsileʾi ittiḥād ėdenler [?] mülātefet ile müstaḥkem olub ʿahd‑i sābıq riʿāyet buyurıla idi [?] // bu es̱nāda istimāʿ olundı‑ki Paşa‑yi ser‑ḥadd mezbūr Velī Beg pādişāh ḥażretleri ḫaberi bu [...]ḥabs ėtmiş // bā‑ḥuṣūṣ ki āyīn‑i pādişāhān ve resm‑i keyānda peyām getürenler ziyāndan emīn olı gelmişlerdür bu ḥāl // üzre iken mülk‑i mevrūs̱uñ ḥudūdına leşker gelüb āteş‑i fitne vü fesādı iştiġāl ėdüb müsülmānlaruñ // ve ʿaceze [?] ve mesākīnüñ ehl ü ʿıyāllerine taʿarruż ve hetk‑i aʿrāż u sefk‑i dimā ėtmege iqdām gösterdiler // ḫāşā [!] ʿadālet‑i pādişāh‑i islām‑i ẓıllu llāhdan ki eyyām‑i devletlerinde nice müsülmānlar ki kelime‑i tevḥīd‑i ilāhī vü şehādet‑i // nübüvvet ḥażret‑i risālet‑i penāhī ėderken küffār gibi bunlar qatl ü esīr olub mūceb‑i [...] kefere olalar // bi‑ḥamdi llāhi [...] bu silsilenüñ dūdmān‑i nübüvvete intisābı vardur ol ʿālī ḥażretüñ rāy‑i ʿālem‑ārālarına // ḫafī degüldür çün müvālāt‑i ḥażret‑i muqaddes‑i nebevīye‑i muqteżā‑yi viṣāyet‑i [...] Allāh fī ehl‑i beyti vācib‑i // vācibāndandur bā‑ḥuṣūṣ Sulṭān Bāyezīd Ḫān ḫuṣūṣında [!] vāqiʿ olan ḫidmāt ki ẓuhūra gelmişdür ol // dūdmānuñ salṭanet u ḫılāfetlerinüñ istiqrār u istimrārları bābında temām medḫale vardur eger bu ḫidmete naẓar olınmasa [?] // ʿahd ü peymānı daḫı olmasa her zemān binā‑yi maḥabbet‑i ḫalel‑peẕīr olmamaq gerek idi çünki bu [...] dāyimā // niyyeti ḥilm ü ṣalāḥ‑i enāmları dāyim olmaġadur al‑muslimu man salima l‑muslimūna min lisānihī wa‑yadihī // selāmet‑i ḥāl‑i müsülmānān ve refāh‑i aḥvāllerinedür ġayri degüldür bunı daḫı yaqīn belürür [?] ki ol ʿālī ḥażretüñ